„Вселенски војници“ February 17, 2010

Дејствието е сместено на планетата Земја во подалечната иднина. Џони Рико е млад студент и има девојка, Кармен. Кога Кармен ќе реши да и` се придружи на војската за да стане вистински граѓанин (статус што се стекнува само со служење на земјата), од преголема љубов Џони ќе го напушти факултетот и ќе појде со неа. Набрзо сфаќа дека е таму од погрешни причини, но нешто ќе го спречи во намерата да излезе од редовите на војската...

Преку навидум обичен акционен филм, режисерот Пол Верховен суптилно обработува антивоена тематика и зборува за фашистички свет кој е многу позастрашувачки од оној во времето на Втората светска војна, свет кој всушност функционира.

Starship Troopers
САД/ 1997 година/ 129 минути

Режија: Пол Верховен
Сценарио: Едвард Нојмеер
Улоги: Каспер Ван Диен, Дина Меер, Денис Ричардс, Џејк Баси