„Во името на народот“ и Предавање на рускиот сценарист Романов, 24.01.2013 (четврток), 18.00 и 20.00 часот January 24, 2013

Проекции: 24.01.2013 (четврток), 18.00 и 20.00 часот

18.00 часот
Проекцијата на филмот е преместена во 18.00 часот поради предавањето на г-дин Романов од 20.00 часот.

„Во името на народот“
(У име народа)
игран филм, СФРЈ
1987, 112 мин., колор, 35 мм
режија: Живко Николиќ;
сценарио: Драган Николиќ, Живко Николиќ;
улоги: Миодраг Кривокапиќ, Петар Божовиќ, Савина Гершак, Богдан Диклиќ.

20.00 часот
Предавање на рускиот сценарист Романов

Гостување на рускиот сценарист, драматург и писател г-дин Владислав Романов, кој во киносалата на Кинотеката на Македонија ќе одржи предавање илустрирано со проекција на филмски материјали од тв-циклусот „Загатките на руската историја.“

Владислав Иванович Романов (1949) е дипломец на Московскиот државен институт за култура (1971) и на ВГИК (Сојузниот државен институт за кинематографија (1980), каде во моментов предава и раководи со работилниците за сценарио на Одделот за филм и телевизија.
Добитник е на неколку награди за сценарио и адаптации (2004 – награда на Филмскиот фестивал за филм и литература (Гатчина) за најдобра литературна разработка на темата во играниот филм „Егер“, како и Гран-при на Филмскиот фестивал „Виват Русија“ за истото сценарио; 1988 - државна награда „Ника“ за најдобар документарен филм за филмот „А минатото изгледа сон“; 1987 – награда на Сојузот на филмските работници за сценариото за телевизиската серија „Нападот врз ГОЕЛРО“, и тн.)
Досега реализирал над 25 сценарија за играни и документарни филмови и телевизиски серии, меѓу кои „Нападот врз ГОЕЛРО“ (тв-серија,1986), „На околината, некаде во градот“ (игран филм, 1988), „Егер“ (игран фиилм, 2003), „Збогум, докторе Чехов!“ (тв-серија, 2007), „Адмиралот“ (игран филм, 2008), „Пленот на страста“ (тв- серија, 2010) и тн., и е автор на 33 објавени романи.
Романов во Скопје ќе допатува со г-дин Михаил Алексеев, директорот на Фондот за соработка и развој на руската кинематографија, во чиј управен одбор и самиот е член.