„Стари чешки легенди“ - Jиржи Трнка, 29.02.2012 (среда), 12.00 часот February 29, 2012

Проекции: 29.02.2012 (среда), 12.00 часот

„Стари чешки легенди“

Тогашниот социјалистичи режим, задоволен од дотогашната работа на Јиржи Трнка, посебно од неговиот трет долгометражен филм „Принцот Бајаја“ од 1950 година, бара од него уште еден филм, чија содржина би ја величела чешката историја и би го јакнела националното чувство. За таа намена, Трнка во 1953 година ја реализира анимираната адаптација на книгата „Стари чешки легенди“ напишана од Јалоис Јирашек.

Филмот е составен од седум засебни приказни, кои раскажуваат различни народни митови и легенди од чешкиот фолклор, поврзани со создавањето на чешката држава, кралевите и владетелите на тие простори, како и херојствата на поедини историски или фиктивни ликови.

Филмот е позитивно прифатен од тогашната критика, освојувајќи повеќе награди на различни фестивали ширум светот, како „Сребрен лав“ на Венецијанскиот филмски фестивал во 1953 година, потоа гран при за најдобар куклен филм на фестивалот во Монтевидео во 1954 година и многу други.

STARÉ POVĚSTI ČESKÉ
(Old Czech Legends)
1953 година / 80 минути / 35 мм
Сценарио: Alois Jirásek, Jirí Brdecka
Улоги: Zdenek Stepánek, Eduard Kohout, Karel Höger