„Снежана и седумте џуџиња“, 03-04.02.2013 (недела и понеделник), 20.00 часот February 3, 2013

Проекции: 03-04.02.2013 (недела и понеделник), 20.00 часот

„Снежана и седумте џуџиња“

Убавата Снежана бега во шумата за да се сокрие од својата зла маќеа, која сака да ја убие и со тоа да стане најубавата жена во кралството. Прибежиште наоѓа во куќата на седумте џуџиња, кои имаат рудник за дијаманти, кои ја засакуваат милата Снежана и и` дозволуваат да живее со нив. Исто така, ја предупредуваат, кога тие ќе бидат на работа во рудникот, таа да не ја отвора вратата никому, особено не на непознати лица. Злобната кралица од своето волшебно огледало дознава дека, сепак, Снежана е жива и дека се наоѓа во куќата на џуџињата. Преправена како скитничка-продавачка ќе се појави пред куќата на џуџињата, ќе ја измами Снежана и ќе ја наведе да гризне од отровното јаболко.
Екранизација на познатата приказна на браќата Грим, „Снежана и седумте џуџиња“ е првиот долгометражен анимиран филм во продукција на Волт Дизни, и воопшто, првиот анимиран филм целосно изработен во класична анимација, односно секој кадар е рачно нацртан. Оваа година, токму на 4 февруари, се одбележуваат 75 години од пошироката американска премиера на филмот во 1938 година.

(Snow White and the Seven Dwarfs)
анимиран филм, САД
1937, 83 мин., колор, 35 мм

режија: Дејвид Хенд и др. (David Hand et al.);
сценарио: Тед Сиерс и др. (Ted Sears et al.);
улоги: Адријана Каселоти, Хари Стоквел, Лусил Ла Верн (Adriana Caselotti, Harry Stockwell, Lucille La Verne).