„РЕВОЛВЕР“ – Програма за недела April 10, 2011

16:00 часот – „Митот на импровизацијата“. Работилница, втор дел. Извадоци од „Научна фантастика“
19:00 часот – проекција на филмот „Спијач“
21:00 часот – проекција на филмот „Уве Џонсон гледа ТВ“ во присуство на Заскиjа Валкер


„Научна фантастика“
*оригинал со англиски превод

За време на еден семинар за мотивација паметниот водач на семинарот Мариус наидува на изразито бунтовен ученик. Јерг Карзунке, претприемач од поранешна Источна Германија не сака да ги разбере основните принципи на „менталната синтакса“. Мариус очајнички се обидува да го научи како се отвора врата. И тоа, не како било, туку со вистински став и непоколеблива волја да го освои новиот простор кој чека зад вратата. Кога вратата конечно ќе се отвори, никој повеќе не се сеќава на двајцата. Светот ги заборавил. Но уште полошо е тоа што сега, тие мора да се држат заедно.

Kein Science Fiction
Германија/ 2003 год./ 112`

Режија: Франц Милер
Улоги: Арвед Бирнбаум, Никол Маришка, Јан Хенрик Шталберг


„Спијач“
*оригинал со македонски превод

Младиот научник Јоханес добива задача од германската тајна служба да го шпионира алжирецот Фарид, инаку негов колега и пријател, под сомнение дека е „спијач“. Во почетокот Јохан одбива, но кога Фарид ќе почне да излегува со девојката во која Јохан е вљубен, тој ќе ја прифати задачата. Нивното пријателство, засенето од професионалното и љубовното ривалство, води кон предавство.

Schläfer/Sleeper
Германија/ 2005 год./ 100`
Режија: Бенјамин Хајзенберг
Улоги: Бастиан Трост, Мехди Небоу, Лорета Флаум

„Уве Џонсон гледа ТВ“
*oригинал со македонски превод, во присуство на Заскиjа Валкер

Во 1964 година, познатиот германски писател Уве Џонсон објавува колумни во еден западно-германски весник за недостатоците на источно-германската телевизиска програма. Преку единаесет текстуални минијатури, комбинирани со оригинална тв-програма од ГДР, филмот дава увид во елементите на Студената војна и обелоденува чудни и прикриени факти преку критиките на Џонсон.

Uwe Johnson sieht fern/ Uwe Johnson is watching TV
Германија/ 2006 година/70`
Режија: Заскија Валкер