„Под исто небо“ January 22, 2011

За време на Втората светска војна, една партизанска единица планира да нападне град окупиран од балистите. Пред да започне главната акција, тројца партизани се инфилтрирaат меѓу населението и предизвикуваат инцидент со цел да го одвлечат вниманието од нападот што престои. Мифтар, водачот на балистите, сакајќи да ја одмазди смртта на својот брат, ги претресува куќите и ги присилува жителите да го откријат скривалиштето на тројцата партизани. Доаѓа до жестока пресметка помеѓу двете страни, а истовремено започнува и нападот на градот во кој влегуваат ослободителите.

игран филм/ 35мм/ црно-бел/ 77`
Република Македонија/ 1964 година

Режија: Љубиша Георгиевски, Миомир Стаменковиќ -Мики
Сценарио: Јован Бошковски
Директор на фотографија: Бранко Михајловски
Улоги: Нада Гешовска, Дарко Дамевски, Весна Краина, Јован Мииќевиќ, Драган Оцокољиќ и др.