Нов германски филм: „Виски со водка“ October 14, 2010

Актерот Ото Кулберг, кој е веќе во години и е особено омилен пред сe` кај жените, е „бонвиван“ - со задоволство е во центарот на вниманието и во секоја ситуација има духовит одговор. Еднаш откако се напил, прокоцкал еден ден снимање за својот нов филм. Поради стравувањето дека Ото би можел целосно да отпадне, се ангажира негов заменик, значително помладиот Арно, со кого за секој случај, сите сцени се снимаат по вторпат. Така, Ото не само што доаѓа во ситуација да мора да се бори за својата улога во филмот и да влегува во актерски дуел со новакот, туку и на приватен план се придвижуваат некои работи. Одново се разгорува една дамнешна љубовна врска со неговата филмска партнерка Бетина, која е сега жена на режисерот Телек.

Whisky mit Wodka
колор/ 104`
комедија/ драма, 2007/2008 год.

Режија: Андреас Дрезен
Улоги: Хенри Хипхен и Корина Харфух