КИНО УТРО: „Пепелашка“, 08-09.01.2013 (вторник-среда), 12.00 часот January 8, 2013

Проекции: 08-09.01.2013 (вторник-среда), 12.00 часот

ВОЛШЕБНИОТ СВЕТ НА БРАЌАТА ГРИМ

„Пепелашка“

По смртта на својата сопруга, со која има благородна и добродушна ќерка, богатиот вдовец повторно ќе се ожени. Во куќата доаѓаат маќеата и нејзините две убави, но зли и завидливи ќерки, кои ќе го загорчуваат животот на ќерката на богаташот, ќе и’ ги одземат сите фустани, погрдно ќе ја наречат „Пепелашка“ и ќе ја испратат во кујната да работи и да им слугува. Пепелашка е огорчена и секој ден оди на гробот на мајка си, да се исплаче и да се помоли за подобра судбина. Кога кралот ќе ги повика сите млади девојки од кралството да присуствуваат на трите бала што ќе се одржат во кралската палата, со цел принцот да си избере невеста, Пепелашка ќе се понадева дека и таа ќе може да биде присутна...

(Aschenputtel)
игран филм, Германија
2011, 58 мин., колор, ДВД

режија: Уве Јансон (Uwe Janson);
сценарио: Давид Унграјт, според приказна на Јакоб и Вилхелм Грим (David Ungureit, Jacob & Wilhelm Grimm);
улоги: Ајлин Тецел, Барбара Ауер, Фелине Роган (Aylin Tezel, Barbara Auer, Pheline Roggan).