Кино будење: „Тајни и лаги“, 16.03.2013 (сабота), 12.30 часот March 16, 2013

Проекции: 16.03.2013 (сабота), 12.30 часот

„Кино будење“ од 2-ри до 30-ти март, 2013 година

На програмата на Кинотека на Македонија секоја сабота со почеток во 12.30 часот, проекции на наградувани култни филмови, познати имиња кои ќе го најавуваат филмот и кафе со мафин.
Цена на билет = 50 денари, кафе и мафин = 60 денари

Гостин пред филмот е Бубо Каров.

„Тајни и лаги“

Средовечната Синтија живее во Лондон со својата хронично незадоволна ќерка, улична чистачка. Таа работи во фабрика за амбалажа, а на минатото се сеќава како на низа разочарувачки настани. Нејзиниот брат Морис, за кого таа се грижела додека бил малолетен, сега е успешен фотограф и живее во богата куќа, но не наоѓа време да се види со сестра си. Еден ден таа добива телефонски повик од некоја си Хортенс, млада жена која тврди дека Синтија ù е биолошка мајка, но пред многу години ја дала на посвојување. Синтија во почетокот одбива да се соочи со тоа, но сепак ќе се реши да се сретне со одамна загубената и заборавена ќерка, за да открие дека Хортенс е успешен офталмолог и - црномурна. Сега, ќе треба да го извести семејството за нејзиното постоење.

Награди: Златна палма на Кански филмски фестивал, БАФТА за најдобра главна женска улога, Златен Глобус за најдобра женска улога
Трејлер: http://www.artistdirect.com/video/secrets-and-lies/56675

(Secrets & Lies)
игран филм / драма
1996 година / 136 мин. / колор / 35 мм
Франција / Велика Британија

режија и сценарио: Мајк Ли (Mike Leigh);
улоги: Тимоти Спал, Бренда Блетин, Маријан Жан-Батист, Клер Рашбрук, Филис Логан (Timothy Spall, Brenda Blethyn, Marianne Jean-Baptiste, Claire Rushbrook, Phyllis Logan).