Кино будење: „Секс, лаги и видеоленти“, 23.03.2013 (сабота), 12.30 часот March 23, 2013

Проекции: 23.03.2013 (сабота), 12.30 часот

„Кино будење“ од 2-ри до 30-ти март, 2013 година

На програмата на Кинотека на Македонија секоја сабота со почеток во 12.30 часот, проекции на наградувани култни филмови, познати имиња кои ќе го најавуваат филмот и кафе со мафин.
Цена на билет = 50 денари, кафе и мафин = 60 денари

Гостин пред филмот е Дарко Панчев.

„Секс, лаги и видеоленти“

Успешниот, самобендисан адвокат Џон е во стерилен брак со убавата Ен. Таа е несигурна и воздржана, а на својот психотерапевт му признава дека одамна го има изгубено интересот за секс. Нејзината сестра Синтија, пак, е мошне промискуитетна и е во љубовна врска со својот зет, Џон. Ен е подобра и поуспешна во сè, освен во љубовта, и барем во тој поглед Синтија чувствува дека може да ја надмине својата сестра. Во нивните животи влегува Грем, пријател на Џон од студентските денови, кој е колекционер на видеоленти на кои се снимени исповеди на жени во врска со нивното сексуално минато и искуство. Тоа познанство ќе го измени односот, но и животот на двете сестри.

Награди: Златна Палма на Кански филмски фестивал, награда од публика на Филмскиот фестивал Санденс
Трејлер:

(Sex, Lies and Videotape)
игран филм / драма
1989 година / 100 мин. / колор / 35 мм
САД

режија и сценарио: Стивен Содерберг (Steven Soderbergh);
улоги: Џејмс Спејдер, Енди Мекдауел, Питер Галагер, Лаура Сан Џакомо (James Spader, Andie MacDowell, Peter Gallagher, Laura San Giacomo).