Карпошово културно лето (15 септември) September 15, 2010

Програма за 15 септември (среда)

17:00-18:50

„Бафин-остров на децата“
Baffin, l’ ile aux enfants/Baffin, an island of children/ 30`

Режија: Сам Боге
Франција, 2007 година

Бафин е остров во канадскиот арктички архипелаг во водите на Северниот Атлантик, помеѓу Гренланд и континентална Канада. Шест пријатели си поставуваат цел да ги поминат неговите диви простори и за првпат да искачат еден од тамошните импозантни бастиони и да направат BASE jumping скокови од врвот. Авантурата започнува во инуитското село со 800 жители од кои половината се деца.

„Напредување“
Progression, 70`

Режија: Џош Ловел, Купер Робертс и Брет Ловел
САД, 2009 година

Ова е филм за најголемите спортски качувачи и за нивните најголеми постигнувања во последните години, меѓу кои се издвојува качувањето на Крис Шарма по насоката која се смета за најтешка во светот - Jumbo Love.

18:50-19:05 - Одмор

19:05-21:00

„Дами во планините“
Women in the Mountains, 42`

Режија: Кристоф Виелицки и Јежи Порембски
Полска, 2008 година

Филм од серијата „Полските Хималаи“ кој раскажува за големиот пробив во највисоките планини, направен од Ванда Руткиевич - првата жена која се искачи на К2, првата Европејка на Еверест и нејзините колешки во седумдесеттите. Тие ја започнаа традицијата која се негува и ден-денес...

„Беро“
Berhault, 69`

Режија: Жил Шапа и Рафаел Ласаблие
Франција, 2008 година

Биографски филм за еден од најголемите француски алпинисти - Патрик Беро, кој загина при обид да ги премине целите Алпи во 2004 година.