Холандски филм: работилница + филм April 21, 2011

19:00 – 20:00 часот: „Домашното насилство и борбата против него“ – презентација и резултати од филмска работилница

Презентација на резултатите од проектот „Домашното насилство и борбата против него“ – Утрехт, Холандија, со учесници од Македонија, Холандија, Србија, Хрватска, Босна, Албанија и Бугарија. Од Македонија учествуваа Синоличка Трпкова како ментор, и младите актери: Ана Кафаклеска, Марија Бејкова, Слаѓана Вујосевиќ, Александар Степанулески, Никола Настоски и Газменд Изаири.

20.45 часот – проекција на два филма

„Фата моргана“

Откако татко ѝ ја оставил, седумогодишната Ева секојдневно ѝ се моли на својата мала статуетка Дева Марија во надеж дека тој ќе се врати. Една ноќ мајка ѝ Маргарита го носи дома Хозе, човек кого го сретнала во град. Следното утро, додека Маргарита е на работа, Ева го затекнува во кревет и помислува дека молитвите ѝ се услишени. Таа е решена да се убеди себеси дека Хозе е таткото за кој сонувала.

Fata Morgana
документарен филм/ колор/ DVD/ 10`
Холандија/ 2009 година
Режија: Џоана Веселин (Joanna Wesseling)
Продуцент: Мак Капетановиќ (Mak Kapetanović)

„Не можеш да изгубиш“

Иван е вистински маѓионичар со бројки - „сурфа на брановите на берзата“ како тоа да му е природно опкружување. Ѝ носи голем профит на банката каде работи. Но не е се така сјајно. Поради новата работа, Иван навечер не може да спие. И додека преку ноќ станува најуспешниот брокер во градот, се повеќе се чувствува отуѓен од себе и од светот околу себе. Иако има незапаметен успех, тој мора да се повлече. Додека не биде предоцна...

Win/win
игран филм/ колор/ DVD/ 90`
Холандија/ 2010 година
Режија: Јаап ван Хојзден (Jaap van Heusden)
Сценарио: Јаап ван Хојзден (Jaap van Heusden)
Улоги: Оскар Ван Ромпај, Халина Ријн, Леон Ворберг, Ханс Кестинг, Фи Нијен