„Господин Лазар“, 26.03.2013 (вторник), 20.00 чaсот March 26, 2013

Проекции: 26.03.2013 (вторник), 20.00 чaсот

„Господин Лазар“

Во едно основно училиште во Монтреал, ненадејно ќе почине еден од учителите. Кога Башир Лазар, алжирски емигрант, ќе прочита за тоа во весниците, веднаш оди во училиштето за да побара работа како привремена замена за починатиот. Откако ќе ја добие работата, г-дин Лазар станува свесен за културниот јаз помеѓу него и децата од класот што му е доделен, а кој се манифестира не само преку методите на учење туку и преку нереалните очекувања што тој ги има од овие ученици. Тој сфаќа дека децата се сè уште потресени од смртта на својот сакан учител и дека не им е лесно да го прифатат него како замена. Но г-дин Лазар има и свои проблеми - болното минато и фактот дека секој момент може да биде депортиран назад во Алжир.

(Monsieur Lazhar)
игран филм / Канада
2011 година / 94 мин. / колор / ДВД

режија и сценарио: Филип Фалардо (Philippe Falardeau);
улоги: Мохамед Фелаг, Софи Нелис, Емилијан Нерон, Брижит Пупар, Даниел Пру (Mohamed Fellag, Sophie Nélisse, Emilien Néron, Brigitte Poupart, Danielle Proulx).