„Ќе надминеме“ (We shall overcome), 11.04.2012 (среда), 20.00 часот April 11, 2012

Проекции: 11.04.2012 (среда), 20.00 часот

ЦИКЛУС ДАНСКИ ФИЛМОВИ

„Ќе надминеме“

Приказна за момче кое во 1969 година во Данска, инспирирано од борбата на Мартин Лутер Кинг за човекови права, се спротивставува на репресијата на училиште. Тој мора да се бори не само против строгиот директор, туку треба да се соочи и со депресивната состојба на сопствениот татко. Неговиот живот се менува кога во училиштето пристигнува учителот Свале, кој кај Фриц ќе предизвика интерес за рок музиката, слободното размислување и пасивниот отпор.
Во 2006 година, филмот ја доби наградата „Кристална мечка“ во категоријата Најдобар филм за млади на Берлинскиот филмски фестивал.

Drømmen / We shall overcome
игран филм / 2006 година / 109 минути / колор / Блу Реј
Данска

режија: Нилс Арден Оплев (Niels Arden Oplev);
сценарио: Нилс Арден Оплев, Стин Биле (Niels Arden Oplev, Steen Bille);
улоги: Бент Мејдинг, Андерс В. Бертелсен, Јенс Јорн Спотаг (Bent Mejding, Anders W. Berthelsen, Jens Jørn Spottag).