Циклус јапонски филм: „Надвор од овој свет“, 30.04.2012 (понеделник), 20.00 часот April 30, 2012

Проекции: 30.04.2012 (понеделник), 20.00 часот

ЦИКЛУС ЈАПОНСКИ ФИЛМ

„Надвор од овој свет“

Во хаосот и сиромаштијата на повоените години, група млади јапонски музичари свират џез по клубовите за американските војници. Секој од нив на свој начин си носи последици и трауми од тукушто завршената светска војна, но желбата да свират џез е посилна од сите болки и од антагонизмот спрема освојувачката армија. Здружени со млад и надежен пејач и со еден американски војник кој ќе им биде ментор, тие ги впиваат американската култура и музика со огромна жед, надевајќи се на нови можности во животот.

Out of This World / Kono yo no soto e: kurabu shinchugun
игран филм / 2004 година / 123 минути / колор / 35 мм
Јапонија

сценарио и режија: Џунџи Сакамото (Junji Sakamoto);
улоги: Масато Хагивара, Питер Мулан, Шеј Вигам (Masato Hagiwara, Peter Mullan, Shea Whigham).