„Битни нешта“ и „Визии“, 22.04.2012 (недела), 20.00 часот April 22, 2012

Проекции: 22.04.2012 (недела), 20.00 часот

НОВ ХОЛАНДСКИ ДОКУМЕНТАРЕН ФИЛМ

„Битни нешта“

Франс Бромет живее во Илпендам повеќе од 40 години и е сведок на драматични промени во светот околу него. Неговата ќерка е градски советник од партијата на Зелените, но Бромет не секогаш се сложува со неа околу социјалните неправди и политиката на граѓанското уредување. Филмот ги следи нивните меѓусебни дискусии, како и разговорите со еден режисер, со еден историчар и еден пастор.

Things That Matter
докуменатарен филм / 2011 година / 85 минути / колор / Дигитал Бета
Холандија
режија: Франс Бромет (Frans Bromet).

„Визии“

Петмина луѓе од други земји се запрашани што мислат за Холандија. Египетскиот инженер по хидраулика, австралискиот виолинист, индискиот студент, кинескиот архитект и портпаролот на една меѓународна организација од Руанда раскажуваат за тоа како е да се живее и работи во Холандија, и како ги гледаат и земјата и луѓето.

Visions
документарен филм / 2010 година / 17 минути / колор / Дигитал Бета
Холандија
режија: Хенк Госенс (Henk Goossens).